وفاقی وزیر قانون فاروق ایچ نائیک انتخابی قوانین میں ترمیم کا بل آج قومی اسمبلی میں پیش کریں گے۔ بل میں قومی اور صوبائی اسمبلی کے امیدواروں کے انتخابی اخراجات بڑھائے جانے کی تجویز دی جائے گی۔
انتخابی قوانین میں ترمیم کے مجوزہ بل میں قومی اسمبلی کے انتخاب میں امیدواروں کے لئے اخراجات کی حد بڑھا کر35 لاکھ کرنے کی تجویز ہے جبکہ صوبائی اسمبلی کے امیدوار وں کے لئے اخراجات کی حد20 لاکھ روپے تک بڑھانے کی تجویزدی جائے گی۔
بل میں امیدوار صوبائی اسمبلی کے کاغزات نامزدگی کی فیس 2 ہزار سے بڑھا کر 10 ہزار روپے کرنے اورامیدوار قومی اسمبلی کیلئے کاغذات نامزدگی کی فیس 4 ہزار سے بڑھا کر 20 ہزار روپے کرنے کی تجویز ہے۔ بل کے تحت الیکشن کمیشن کو مکمل مالی خودمختاری حاصل ہوگی اور امیدواروں کی اپیل کا فیصلہ 120 دنوں میں کیا جائیگا۔
پولیو ورکرز پر حملہ افسوس ناک ہے، ہار نہیں مانیں گے، صدر زرداری
پولیو ورکرز کے قتل کا مقدمہ درج ، 45 مشکوک افراد زیر حراست
