اوول : (جیو ڈیسک) کپتان الیسٹر کک کی سنچری کی بدولت انگلینڈ نے ویسٹ انڈیز کو دوسرے ایک روزہ میچ میں آٹھ وکٹوں سے ہرا دیا اور سیریز میں دو صفر کی فیصلہ کن برتری حاصل کر لی۔ اوول میں ویسٹ انڈیز کو اچھا آغاز نہ مل سکا ۔ کرس گیل نے واپسی کا جشن پانچ چھکوں سے سجے تریپن رنز کے ساتھ منایا۔ ڈوین براوو نے ستتر اور کائیرون پولارڈ نے اکتالیس رنز بنائے اور ویسٹ انڈیز کا اسکور نو وکٹ پر دو سو اڑتیس رنز تک پہنچادیا۔اینڈرسن اور براڈنے دو،دو وکٹ حاصل کئے۔
ایلسٹر کک اور ایئن بیل نے پہلی وکٹ پر ایک سو بائیس رنز جوڑ کر انگلینڈ کیلئے ہدف آسان کر دیا۔ کک نے ایک سو بارہ رنز بنا کر مین آف دی میچ کا ایوارڈ حاصل کیا۔ ایئن بیل نے تریپن رنز بنائے ۔ جوناتھن ٹروٹ تینتالیس اور روی بوپارہ انیس رنز بناکرناٹ آؤٹ رہے۔
اسپاٹ فکسنگ کے مرکزی کردار سلمان بٹ کی رہائی کا امکان
یورو کپ فٹبال کاپول راؤنڈ ختم، انگلینڈ اور سویڈن فاتح
