اگر کچھ رابطہ باہر سے بنتا جا رہا ہے
Posted on March 3, 2012 By Adeel Webmaster محمد علی خان
empty grave
اگر کچھ رابطہ باہر سے بنتا جا رہا ہے
خلا اندر کا بھی تو اور بڑھتا جا رہا ہے
نہ جانے کس جگہ جا کر رکے گا سلسلہ یہ
بہت سے ‘آنگنوں’ میں صحن بٹتا جا رہا ہے
ہمارے پاس گھر بھی ہے اور اسکے سب مکیں بھی
مگر ۔۔۔جیون۔۔۔۔کہ راہوں پر ہی کٹتا جا رہا ہے
اسی مٹی میں آخر ایک دن یہ دفن ہو گا
اسی مٹی سے اس تن کو بچایا جا رہا ہے
نہ جانے کس جگہ پر مجھ کو شہزادی ملیگی
ابھی تک تو بلائوں سے ہی پالا جا رہا ہے
علی اس جسم کے مضبوط گھر کو کیا کروں میں ؟
اگر یہ جسم بنیادوں سے گرتا جا رہا ہے
محمد علی خان
دعا بھی دیتا ہے اور بددعا بھی دیتا ہے
جو بھی جھوٹا تھا وہی خواب دکھایا خود کو
