ایم کیو ایم 98 فیصد غریب پاکستانیوں کی نمائندہ جماعت ہے : فاروق ستار
Posted on February 27, 2012 By Geo Urdu گجرات
گجرات: ایم کیو ایم 98فیصد غریب پاکستانیوں کی نمائندہ جماعت ہے ، ان خیالات کا اظہار ایم کیو ایم کے مرکزی راہنما فاروق ستار نے ضلعی عہدیداران ملک نوید ، حسن گڈو اور دیگر سے ملاقات کے دوران کہا ، انہوں نے کہا کہ تنظیم سازی اور رکنیت سازی کا کام تیزی سے جاری ہے اور جلد مکمل کر لینے کے بعد انتخابی مہم کا سلسلہ بھی شروع کر دیا جائیگا ، جبکہ سندھ کے بعد اب پنجاب میں بھی ایم کیو ایم کی مقبولیت میں اضافہ ہو رہا ہے ، ایم کیو ایم ملکی سطح کی تیسری بڑی سیاسی جماعت بن چکی ہے جو کہ سرمایہ دارانہ اور جاگیردارانہ نظام کے خلاف جنگ لڑ رہی ہے ، نوجوان نسل ہی ملک کے مسائل کے حل کیلئے اپنا کردار ادا کر سکتی ہے اور عوام کو اب اپنے ووٹ کی طاقت کا احساس کر لینا چاہیے ۔
