کراچی (جیوڈیسک) مخدوم امین فہیم کو آئندہ مدت کے لیے بھی پیپلز پارٹی پارلیمنٹیرین کا صدر منتخب کر لیا گیا ہے۔ جبکہ جہانگیر بدر کی جگہ وزیر اعظم راجہ پرویز اشرف پارٹی کے سیکرٹری جنرل ہوں گے۔
پیپلز پارٹی کے تنظیمی انتخابات بلاول ہاوس کراچی میں ہوئے۔اس موقع پر الیکشن کمشنر کے فرائض وزیرقانون فاروق نائیک نے سرانجام دیے۔ مخدوم امین فہیم اور راجہ پرویز اشرف کو آئندہ مدت کے لیے بھی صدر اور جنرل سیکرٹری چن لیا گیا ہے۔
منظور وٹو پنجاب ، قائم علی شاہ سندھ ، انور سیف اللہ خیبر پختونخوا اور صادق عمرانی بلوچستان کے صوبائی صدور منتخب ہوئے۔ بے نظیر بھٹو کا بنایا پارٹی کا مرکزی سیٹ اپ برقرار رکھا گیا ہے۔ الیکشن میں صوبائی سطح پرنامزد عہدیداروں کو باضابطہ منتخب کیا گیا ہے۔ نومنتخب عہدیداروں کے انتخاب کا باضابطہ نوٹیفکیشن آج جاری کیا جائے گا۔
محمد سمیع خان اور کورنگی کے دیگر افسران کی جشن عید میلاد النبی صلی اللہ علیہ وآلہ وسلم کے سلسلے میں کورنگی سے نکلنے والے تمام جلوسوں میں شرکت
سپنا کیس : عدالتی تحقیقات کروانے کی درخواست کی سماعت پیر کو ہوگی
