لندن برطانیہ کے رنگیلے شہزادے ہیری کو ایک مرتبہ پھر افغانستان بھیج دیا گیا ہے جہاں وہ ہیلی کاپٹر پائلٹ کے طور پر خدمات انجام دیں گے۔گذشتہ ماہ لاس ویگاس میں قابل اعتراض تصاویر بنوا کر شاہی خاندان کے لئے شرمندگی کا سبب بننے والے پرنس ہیری فوج میں کیپٹن ویلز کے نام سے مشہور ہیں۔ یہ تو واضح نہیں ہے کہ کیا انہیں سزا کے طور پر افغانستان بھیجا گیا ہے،لیکن اتنا ضرور ہے کہ اس مرتبہ ان کی افغانستان میں تعیناتی کو خفیہ نہیں رکھا گیا۔ چار سال پہلے بھی وہ افغانستان میں خدمات انجام دے چکے ہیں لیکن جب افغانستان میں ان کی موجودگی کی خبر میڈیا میں آئی تو انہیں ہنگامی طور پر واپس بلالیا گیا تھا۔ اس مرتبہ وہ وہ ہلمند صوبے کے کیمپ Bastion میں پہنچے ہیں جہاں چار ماہ تک اپاچی ہیلی کاپٹر کے پائلٹ کے طور پر کام کریں گے۔برطانوی محکمہ دفاع کا کہنا ہے کہ پرنس ہیری کا اسکواڈرن نگرانی اور مزاحمت کرنے کے ساتھ ضرورت پڑنے پر حملہ بھی کرے گا۔
حکومت بتائے کہ بیمار بھیڑیں پاکستان کیوں آنے دی گئیں، شیریں ارشد
فیئر اینڈ لولی لائے گی سفارتی رشتوں میں نکھار
