بنگلہ دیش کرکٹ بورڈ کے صدر نظم الحسن اتوار کو دھلی ون ڈے میچ کے دوران پاکستان کرکٹ بورڈ کے چیئرمین ذکاء اشرف سے ملاقات کریں گے اور بنگلہ دیش ٹیم کے پاکستان نہ آنے کی وجوھات پر قائل کرنے کے کوشش کریں گے۔ پاکستان اور بنگلہ دیش کرکٹ بورڈز کے تعلقات میں خاصی کشیدگی آئی ہے جس کی وجہ بنگلہ دیش کا اپنی ٹیم کو پاکستان نہ بھیجنا ہے۔
بنگلہ دیش کے فیصلہ کے بعد پاکستان نے اپنے کھلاڑیوں کو بنگلہ دیش پریمیئر لیگ میں نہ بھیجنے کی دھمکی دی تھی۔ اس تمام صورتحال پر بات چیت کے لئے بی سی بی کے صدر نظم الحسن اتوار کو پاک بھارت ون ڈے میچ کے دوران میں ذکاء اشرف سے ملاقات کریں گے۔
بنگلہ دیش میڈیا کے مطابق نظم الحسن بنگلہ دیش ٹیم کے پاکستان نہ آنے کی وجوہات پر ذکاء اشرف کو قائل کرنے کی کوشش کریں گے اور پاکستان سے اپنے کھلاڑی بنگلہ دیش لیگ میں بھیجنے کی درخواست بھی کریں گے۔
نئی دہلی ، پاکستان اور بھارت کے درمیان ون ڈے سیریز کا تیسرا میچ آج ہو گا
بھارتی دورہ خوف کی وجہ سے منسوخ نہیں کیا ، جاوید میانداد
