آسٹریلوی بگ بیش ٹی ٹوئنٹی ٹورنامنٹ میں ہوبارٹ ہیری کین نے سڈنی تھنڈرز کو پانچ وکٹوں سے ہراکرچارمیچوں میںآ ٹھ پوائنٹس کے ساتھ ٹاپ پوزیشن بر قرار رکھی۔ سڈنی میں سڈنی تھنڈرز نے ٹاس جیت کر بیٹنگ کرتے ہوئے آٹھ وکٹوں کے نقصان پر ایک سو اڑتیس رنز اسکور کئے۔ ویسٹ انڈین کرس گیل نے عمدہ بیٹنگ کا سلسلہ جاری رکھا اور ترپن رنز بنائے جبکہ سین ایبٹ نے انتالیس رنز اسکور کئے۔ پاکستانی آل رانڈررانا نوید الحسن نے بائیس رنز دیکر تین وکٹیں لیں۔ رانا نوید چار میچوں میں گیارہ وکٹیں لیکراب تک ٹورنامنٹ کے سب سے کامیاب بولر ہیں۔ ہوبارٹ ہیری کین نے پانچ وکٹیں کھو کر ہدف عبورکرلیا۔ ٹریوس برٹ نے پینتیس رنز بنائے۔ اویس شاہ اکتالیس رنز بناکر ناٹ آٹ رہے۔ ہوبارٹ اب تک چاروں میچ جیت کرپوائنٹس ٹیبل پر سرفہرست ہے۔
آسٹریلین اوپن جیت کر نئے سال کا آغاز کرنا چاہتی ہوں، سمانتھا
آسٹریلیا اوربھارت کے درمیان دوسرا ٹیسٹ کل سڈنی میں آغاز
