بھمبر کے نواحی گاؤں دھندڑ میں دو متحارب گروپوں کے درمیان زمین کے تنازعہ پر جھگڑا
Posted on August 25, 2012 By Geo Urdu سٹی نیوز
بھمبر (ڈسٹرکٹ رپورٹر) بھمبر کے نواحی گاؤں دھندڑ میں دو متحارب گروپوں کے درمیان زمین کے تنازعہ پر جھگڑا ظفر مہر گروپ نے فائرنگ کر کے اعجاز اور ملک مجید نامی نوجوانوں کو شدید زخمی کر دیا 6ملزمان کیخلاف مقدمہ درج تفصیلات کیمطابق بھمبر کے نواحی گاؤں دھندڑ میں چوہدری ظفر اقبال مہر اور اعجاز نامی گروپوں کے درمیان جھگڑا گزشتہ روز واقعہ یوں پیش آیا کہ اعجاز اور ملک مجید نامی نوجوان اپنے کھیتوں سے ٹریکٹر کے ذریعے چارہ لا رہے تھے کہ کار پر سوار ملزمان نے ٹریکٹر کو روک کر اعجاز اور مجید پر فائرنگ شروع کر دی ۔
جس سے دونوں نوجوان شدید زخمی ہو گئے اسی اثناء میں ملزمان نے اعجاز نامی نوجوان کے ہاتھ پر ٹو کے کا وار کر کے ہاتھ کی انگلیاں کاٹ دیں اور ملزمان فائرنگ کرتے ہوئے موقع واردات سے فرار ہو گئے واقعی کی اطلاع ملتے ہی ایڈیشنل ایس ایچ او سٹی تھانہ بھمبر مرزا شبیر حسین پولیس کی بھاری نفری کے ہمراہ فوری طور پر موقع پر پہنچ گئے جنہوں نے زخمیوں کوفوری طور پر ڈسٹرکٹ ہسپتال بھمبر منتقل کیا مدعی پارٹی نے 6 ملزمان چوہدری ظفر اقبال مہر ، باؤ طارق ، افراسیاب ، ارشد ، مظہر اقبال اور غضنفر کیخلاف مقدمہ درج کروا یا پولیس نے مقدمہ درج کر کے مزید تفتیش شروع کر دی ہے ی۔
اد رہے کہ چوہدری ظفر اقبال مہر اور اعجاز نامی گروپوں کے درمیان کافی عرصہ سے زمین کے تنازعات پر کشیدگی چلی آ رہی ہے رمضان سے قبل چوہدری ظفر اقبال مہر کی زمینوں پر لگے ٹیوب ویل اور بنے ہوئے کمرے کو اکھیڑ کر ٹیوب ویل کی موٹر غائب کر دی گئی تھی جس کا شبہ اعجاز نامی گروپ پر کیا جا رہا تھا ۔
وزیراعظم کی عدالت میں پیشی، مشاورت کے بعد فیصلہ کیا جائیگا، گیلانی
