بے اثر ٹھہری مسیحا کی دعا میرے بعد
Posted on March 11, 2012 By Adeel Webmaster شاہد رضوی
dua
بے اثر ٹھہری مسیحا کی دعا میرے بعد
زخم کو باقی نہیں کوئی گلہ میرے بعد
میں ہی آیا ہوں سر دشت تمنائے وصال
ہے لہو رنگ ہر اک گل کی قبا میرے بعد
جانے کیوں ضائع ہوئی دید تر کی شبنم
جانے کیوں بند ہوئے چاکِ قبا میرے بعد
کشتنی تھا نگہِ شیخ میں میں رند خراب
مے سے رنگتا ہے وہ دستار و قبا میرے بعد
کوئی آتا ہی نہیں چاک گریباں کرنے
ختم ہے سلسلئہ اہل وفا میرے بعد
نہ ہوا چلتی ہے نہ خاک وہاں اڑتی ہے
لوگ کیوں ہیں دلِ ویراں سے خفا میرے بعد
شاہد رضوی
نزر نامہ مہ و شانِ شوخ پیکر کیجیے
دنیا میں ہنگامہ برپا لگتا ہے
