سپریم کورٹ(جیوڈیسک)سپریم کورٹ میں توہین عدالت ایکٹ کیس کے خلاف درخواستوں کی سماعت آج بھی جاری رہے گی۔ عدالت نے درخواست گزاروں کو آج دلائل مکمل کرنے کی ہدایت کی ہے۔گزشتہ روز چیف جسٹس کی سربراہی میں سپریم کورٹ کے پانچ رکنی بینچ نے کیس کی سماعت کی۔ جسٹس جواد ایس خواجہ کا کہنا تھا اسمبلی کی کارروائی کو تحفظ حاصل ہے لیکن اس کا جائزہ لیا جا سکتا ہے۔ عدالت کے روبروتوہین عدالت قانون کی منظوری کے موقع پر پارلیمنٹ میں کی گئی تقریر پڑھ کر سنائی گئی۔ تقریر کو پڑھنے سے اٹارنی جنرل نے اعتراض نہیں کیا۔
سماعت کی ابتدا میں لاہور ہائیکورٹ پنڈی بنچ بار کے صدر شیخ احسن الدین نے دلائل دیئے۔ ان کا موقف تھا کہ توہین عدالت قانون پاس کرکے پارلیمان نے اپنے حلف سے انحراف کیا۔ نیا قانون عجلت میں بنایا گیا جس کا مقصد وزیر اعظم کو بچانا ہے۔
جعلی ویزے پر کسی فرد کے برطانیہ جانے کے ثبوت نہیں ملے، ایڈم تھامسن
کراچی : عملہ سیاسی تعلقات ختم کر دے، چیف الیکشن کمشنر
