جنوبی تھائی لینڈ میں سڑک کنارے نصب بم زوردار دھماکہ سے اور فائرنگ کے نتیجہ میں 6 افراد ہلاک ہوگئے۔ تھائی پولیس حکام کے مطابق دھماکہ اور فائرنگ علیحدگی پسند باغیوں کی تازہ ترین کارروائی ہے۔ حکام کے مطابق بم شورش زدہ علاقے نراتھیوٹ میں سڑک کنارے نصب کیا گیا تھا اور دھماکہ ریموٹ کنٹرول کی مدد سے کیا گیا۔ حکام نے بتایاکہ دھماکہ میں سیکورٹی اہلکاروں کی گاڑی کو نشانہ بنایا گیا جوکہ وہاں سے گزر رہے تھے۔ دھماکہ کے بعد فائرنگ کی آوازیں بھی سنی گئیں جس کے نتیجہ میں 5 سیکورٹی اہلکار ہلاک اور متعدد شدید زخمی ہوگئے۔ زخمیوں کو طبی امداد کیلئے قریبی ہسپتال منتقل کر دیا گیا ہے جبکہ فائرنگ کے ایک دوسرے واقعہ میں ایک بدھ مت پیروکار ہلاک ہوگیا۔ یاد رہے کہ تھائی لینڈ کے شورش زدہ علاقوں میں 2004کے بعد سے بم دھماکوں، فائرنگ کے واقعات اور پرتشدد کارروائیوں مین تاحال 4600 سے زائد افراد لقمہ اجل بن چکے ہیں۔
حقانی نیٹ ورک اور کوئٹہ شوریٰ بڑا خطرہ ہیں۔ امریکی سینیڑز
راہول گاندھی کے خطاب کے دوران بھارتی پارلیمنٹ میں شور شرابہ
