ججز تقرری پارلیمانی کمیٹی نے لاہور ہائی کورٹ کے چار اور سندھ ہائی کورٹ کے تین ایڈیشنل ججز کو مستقل کر نے کی منظوری دے دی۔ سندھ ہائی کورٹ کے جج جسٹس نثار شیخ کی مدت ملازمت میں ایک سال تو سیع کردی گئی۔ ججز تقرری کمیٹی کے اجلاس میں آٹھ ججز سے متعلق سفارشات کا جائزہ لیا گیا۔ اجلاس کے بعد میڈیا سے گفتگو کرتے ہوئے کمیٹی کے سربراہ نیئر حسین بخاری نے بتایا کہ لاہور ہائی کورٹ کے جسٹس مامون رشید، جسٹس یاورعلی، جسٹس فرخ علی، جسٹس سید مظہر علی اکبر نقوی کو مستقل کر دیا گیا ہے۔ سندھ ہائی کورٹ کے جسٹس محمد تسنیم، سید حسین اظہر رضوی اور جسٹس ڈاکٹر محمد علی مظہر کو مستقل کرنے کی منظوری دی گئی ہے۔ نیئر حسین بخاری نے بتایا کہ سندھ ہائی کورٹ کے جسٹس نثار شیخ کی مدت ملازمت میں ایک سال توسیع کی گئی ہے۔
جیل سے تحویل میں لیے گئے افراد کو پیش کرنے کا حکم
دوا اسکینڈل: وفاقی اور صوبائی حکومتیں مشترکہ تحقیقات کریں
