مائیک مولن کو بھیجے گئے میمو پر شدید تنقید کا شکار حسین حقانی کیلیے آج کا دن بہت اہم ہے۔ وہ پارلیمانی کمیٹی کے سامنے پیش ہوں گے، سیاسی و عسکری قیادتوں سیملاقاتیں کریں گے۔ ملاقاتوں کے دوران وہ میمو کے حوالے سے اپنی وضاحت پیش کریں گے۔ امریکی بزنس مین منصور اعجاز نے دعوی کیا تھا کہ انہوں نے حسین حقانی کے کہنے پر امریکی فوج کے سابق سربراہ مائیکل مولن کو خفیہ میمو بھیجا تھا۔ اس خبر کے منظر عام پر آنے کے بعد سے ہی حسین حقانی کو سخت تنقید کاسامنا کرنا پڑرہا ہے۔ وزیراعظم نے قومی اسمبلی میں تقریر کے دوران کہا تھا کہ حسین حقانی کو پاکستان بلا کر ان سے وضاحت طلب کی جائے گی۔ جب کہ اس میمو کی بات پر عسکری قیادت بھی ناراض تھی۔ حسین حقانی صدر آصف زرداری کو معاملے کے حل کیلیے استعفے کی پیشکش بھی کرچکے ہیں۔
طعنے دینے والے اپنا لیڈر ایوان صدر سے باہر لائیں، چوہدری نثار
منصورکے خلاف مقدمات درج کرائیں گے ،فرح ناز
