کراچی…وزیراطلاعات سندھ شرجیل میمن نے کہا ہے کہ حکومت کو کوئی بھی بلیک میل نہیں کرسکتا، ڈاکٹر طاہرالقادری عوام کو گمراہ کرنے کی ناکام کوشش کررہے ہیں، شیخ الاسلام اور ان کے ساتھی اپنے عزائم میں کامیاب نہیں ہوں گے۔
اپنے ایک بیان میں شرجیل میمن نے کہا ہے کہ غیرجمہوری سوچ رکھنے والے جمہوریت کو ڈی ریل کرنے کی سازش کررہے ہیں، طاہرالقادری پیپلز پارٹی پر تنقید کرنے سے پہلے اپنے ماضی کی سیاست پر نظرڈالیں۔
وزیراطلاعات سندھ کامزید کہنا تھا کہ مشرف کی حمایت اور جمہوری نظام کی مخالفت کرنے والوں کوعوام جانتے ہیں، مسٹرکینیڈا کسی اور ملک میں انقلاب لائیں، پاکستان میں انقلاب کی نہیں، اتحاد اورجمہوریت کی ضرورت ہے۔
پشاور : قاضی حسین احمد کی نماز جنازہ ادا کردی گئی ، ہزاروں افراد کی شرکت
الطاف حسین کیخلاف توہین عدالت کیس کی سماعت آج ہو گی
