حیدر میلاد کمیٹی مدینہ سیداں کے زیر اہتمام 5 ویں سالانہ محفل نعت منعقد ہوئی
Posted on March 19, 2012 By Geo Urdu گجرات
گجرات : حیدر میلاد کمیٹی مدینہ سیداں کے زیر اہتمام 5ویں سالانہ محفل نعت بعنوان سوہنے دیاں گلاں ، حیدری چوک مدینہ سیداں میں بعد نماز عشاء منعقد ہوئی ، جس کی صدارت پیر محمد ارشد ہاشمی قادری چشتی نے کی ، مہمان خصوصی پیر محمد یامین سرکار تھے ، محفل کا آغاز تلاوت قرآن پاک سے ہوا ، ملک رضوان نے شرف حاصل کیا ، عالمی نقیب محفل خاور بشیر بٹ گولڑوی نے نقابت کے فرائض انجام دئیے ، ثناء خوانِ مصطفی ۖ ، مقدس ہاشمی ، مقرب ہاشمی ، محتشم ہاشمی ، سید عثمان الحسینی ، قاری احمد رضا جماعتی آف گوجرانوالہ اور عبدالرئوف راجہ آف فیصل آباد نے بارگاہ سرور کونین حاضری کا شرف حاصل کیا ، علامہ قاری محمد شاہد چشتی خطیب اعظم گجرات نے سوہنے دیاں گلاں کے موضوع پر خطاب کیا ، محفل میں مہمان شیخ عرفان پرویز صدر پنجاب نعت کونسل ، سید نذیر حسین شاہ ، سید صابر حسین شاہ اور ڈاکٹر رزاق احمد غفاری ، عبدالمصطفیٰ سیالوی نے بھی شرکت کی ، آخر میں درود سلام کے بعد لنگر تقسیم کیا گیا ، آخر میں پیر محمد ارشد ہاشمی نے دعا فرمائی اس پر محفل کا اختتام ہوا ۔
