خشک ڈالی سے گھنے پیڑ پہ ہجرت کرنا
Posted on March 13, 2012 By Adeel Webmaster حسن رضوی
migration
خشک ڈالی سے گھنے پیڑ پہ ہجرت کرنا
یاد آتا ہے پرندوں کا مسافت کرنا
سبز موسم کے لیے دھوپ میں تپنا صدیوں
اور خالق کا وہاں سائیہ رحمت کرنا
اپنی دھرتی سے سدا ایسے تعلق رکھنا
جیسے بچے کے لئے ماں سے محبت کرنا
ایک رہنے کے لیے اپنا بنانا سب کو
اور اپنوں سے سوا غیروں سے الفت کرنا
اپنی آنکھوں میں سدا پیار سجائے رکھنا
دیدئہ شوق سے ایسی ہی جسارت کرنا
دیس کے واسطے اے جاں سے گزرنے والو
ایسا جذبہ کبھی ہم کو بھی عنایت کرنا
اب تو ہر بات حسن ایک ہی جیسی ہے یہاں
ان سے ملنے کی نہ ملنے کی شکایت کرنا
حسن رضوی
کھلنے لگے ہیں پھول اور پتے ہرے ہوئے
نئی رُت
