پشاور (جیوڈیسک) خیبر ایجنسی کے لوگ اٹھارہ میتیں اٹھا کر پشاور میں گورنر ہاؤس کے سامنے پہنچ گئے جہاں وہ دھرنا دیے بیٹھے ہیں۔ خیبر ایجنسی کے علاقے عالم گوادر میں گزشتہ روز اٹھارہ مقامی افراد کی لاشیں ملی تھیں جنہیں فائرنگ کر کے قتل کیا گیا تھا۔ ان میں ایک ہی خاندان کے سات افراد بھی شامل تھے۔
بدھ کی صبح سینکڑوں قبائلی لاشیں اٹھا کر احتجاج کرتے ہوئے باڑہ سے پشاور کی طرف چل پڑے ۔ پشتہ خرہ میں پولیس نے انہیں منتشر کرنے کے لیے ہوائی فائرنگ کی لیکن مظاہرین باڑہ روڈ بند کر کے آگے آئے اور پشاور صدر میں پولیٹیکل ایجنٹ کے دفتر کے سامنے دھرنا دیا۔
اس کے بعد وہ نعرے لگاتے ہوئے گورنر ہاؤس کے سامنے پہنچ گئے۔ سیکیورٹی خدشات کے باعث پشاور صدر میں بازار بند کر کے کینٹ کو سیل کر دیا گیا۔ پاک فوج کے دستے بھی طلب کر لیے گئے ہیں۔
نائیک اشرف کی شہادت ، پاکستان کا بھارت سے سخت احتجاج
رائیونڈ میں اپوزیشن رہنماؤں کا اجلاس ، لانگ مارچ ، ملکی سیاسی صورتحال پر غور
