دائود فیملی تکافل نے گزشتہ دنوں قتل ہونے والے شیخ محمد علی کے ورثاء کو 3570کا ڈیتھ کلیم دیا
Posted on August 28, 2012 By Geo Urdu گجرات
گجرات (جی پی آئی) دائود فیملی تکافل نے گزشتہ دنوں قتل ہونے والے شیخ محمد علی کے ورثاء کو 3570کا ڈیتھ کلیم دیا ، تقریب منعقد ہوئی ، جسکے مہمان خصوصی ریجنل منیجر سید ناصر علی رضوی تھے اس تقریب میں مرحوم کے ورثاء معززین علاقہ نے کثیر تعداد میں شرکت کی ، سید ناصر علی رضوی ،سینئر برانچ منیجر سید معظم علی اور برانچ منیجر مہر محمد یوسف یعفور نے کہا کہ دائود فیملی تکافل خاندانی تحفظ کیلئے کوشاں ہیں ، خدانخواستہ دائود فیملی تکافل کے کلائنٹطبی یا حادثاتی موت کے بعد اس کے لواحقین کی دیکھ بھال کا فریضہ سرانجام دیا جاتا ہے ، تا کہ مرحوم کے لواحقین معاشی پریشانیوں سے بچ سکیں ، انہوں نے کہا کہ دائود فیملی تکافل کی سروسز مارکیٹ میں موجود تمام کمپنیوں سے بہترین ہے اور ہم نے یہ ڈیتھ کلیم صرف 5دن میں ادا کیا ہے ، اس موقع پر مرحوم کے بھائی شیخ محمد افضال نے دائود فیملی تکافل کا شکریہ ادا کیا اور کہا کہ میں زندگی میں پہلی دفعہ اس آفس میں آیا ہوں اور ان کی سروسز دیکھ کر دلی سکون ملا ہے ، اللہ تعالیٰ میرے بھائی کو جنت الفردوس میں جگہ عطا فرمائے ، اس موقع پر ریجنل منیجر سید ناصر علی رضوی نے کہا کہ اللہ تعالیٰ شیخ محمد علی کو جنت الفردوس میں جگہ عطا فرمائے ، کیونکہ مرحوم ہمارے ادارے کا قابل قدر کلائنٹ تھا ، ہم دعا گو ہیں کہ ہمارے تمام کلائنٹس کو اللہ تعالیٰ لمبی عمر عطا فرمائے ، اور ان کا سایہ ان کے خاندانوں پر سلامت رکھے۔
میں گجرات آفس کی ٹیم کو خراج تحسین پیش کرتا ہوں جنہوں نے شبانہ روز کوششیں کر کے دائود فیملی تکافل کو ضلع گجرات کی بہترین کمپنی بنا دیا ہے ، ہم اسی طرح ایسے کلائنٹس کے تحفظ کیلئے کوشاں ہیں ، اس تقریب میں شیخ ناصر اقبال ، شیخ تبسم ، شیخ عمر ، شیخ فرح سلیم ، رانا مشرف ناز ، شیراز اسلم ، سید سعید احسن ، قاری فیض رسول ، عمر گوندل ، محمد عثمان ، حبیب ، شاہد منظور ، مستنصر حسین اور دیگر نے شرکت کی ، اختتام پر مرحوم کے ایصال ثواب کیلئے فاتحہ خوانی کی۔
