وہاڑی کے قریب دریائے ستلج میں ہیڈ اسلام کے مقام پر پانی کی سطح میں مسلسل اضافہ جاری ہے اور اس وقت پانی کا چودہ ہزار کیوسک کا ریلہ گزر رہا ہے۔ بھارت سے آنے والے سیلاب کا ریل ہیڈ سلمانکی کے بعد ہیڈ اسلام پہنچے گا اور امید ہے کہ اگلے دو سے تین روز میں پانی 15سے20 ہزار کیوسک تک پہنچ جا ئے گا۔ سیلاب کے خطرہ کے پیشِ نظر دریا کے کنارے بسنے والوں کی بڑی تعداد نے مال مویشی کے ساتھ انخلا شروع کردیا ہے۔ متاثرین نے بتایا کہ انہیں کسی قسم کی اطلاع دی گئی ہے نہ ریلیف فراہم کیا جارہا ہے۔ ان کی کھڑی فصلیں تباہ ہوگئیں جبکہ محکمہ انہار اور محکمہ مال کے اہلکار صرف زبانی جمع خرچ کر رہے ہیں۔ متاثرین نے الزام لگایا کہ دریا کے پشتوں کو مضبو ط کر نے کے نام پر کروڑوں روپے کے فنڈز کھالیے گئے ہیں لیکن ان کی مرمت کا کو ئی خیال نہیں کیا گیا اور پشتوں میں دراڑیں پڑی ہوئی ہیں اور مختلف مقامات پر کٹا بھی آ رہا ہے۔
کراچی میں معصوم لوگوں کا خون بہایا جا رہا ہے۔ ذوالفقار مرزا
کراچی کی صورتحال پر ایک اور اہم اجلاس آج ایوان صدر میں طلب
