دلِ مردہ دل نہیں ہے اسے زندہ کر دوبارہ

dil

دلِ مردہ دل نہیں ہے اسے زندہ کر دوبارہ
کہ یہی ہے امتوں کے مرضِ کہن کا چارہ

ترا بحر پر سکوں ہے یہ سکوں ہے یا فسوں ہے
نہ نہنگ ہے نہ طوفاں نہ خرابی کنارہ

تو ضمیر آسماں سے ابھی آشنا نہیں ہے
نہیں بے قرار کرتا تجھے غمزئہ ستارہ

ترے نیستاں میں ڈالا مرے نغمئہ سحر نے
مری خاک پے سپر میں جو نہاں تھا اک شرارہ

نظر آئے گا اسی کو یہ جہانِ دوش و فردا
جسے آ گئی میسر مری شوخئی نظارہ

علامہ محمد اقبال

Nasir Mehmood - Chief Editor at GeoURDU.com