سپریم کورٹ : (جیو ڈیسک) سپریم کورٹ نے دہری شہریت کیس میں ساہیوال کے حلقہ این اے 162 سے منتخب ہونے والے پیپلز پارٹی کے رہنما زاہد اقبال کی رکنیت معطل کر دی۔سپریم کورٹ نے دہری شہریت کیس میں پیپلز پارٹی کے رکن قومی اسمبلی زاہد اقبال کی رکنیت معطل کرتے ہوئے عدالت کے فیصلے پر عمل درآمد کیلئے سپیکر قومی اسمبلی کو بھجوانے کا حکم دیا۔ کیس کی سماعت چیف جسٹس افتخار محمد چودھری کی سربراہی میں تین رکنی بینچ کر رہا ہے۔
قومی اسمبلی میں مسلم لیگ ن کے رکن اسمبلی جمیل اعوان نے اپنی دہری شہریت کو تسلیم کیا جبکہ طارق الونہ نے الزام کی تردید کرتے ہوئے عدالت عالیہ سے مزید مہلت کی استدعا کی۔ سپریم کورٹ کے نوٹسز کے باوجود فرحت محمود خان، نادیہ گبول، وسیم قادر، اشرف چوہان اور ندیم خادم کی جانب سے کوئی عدالت میں پیش نہ ہوا جس پر چیف جسٹس کا کہنا تھا کہ جو لوگ عدالت کے نوٹس کے باوجود نہیں آنا چاہتے وہ نہ آئیں جبکہ جسٹس جواد ایس خواجہ نے ریمارکس دیئے کہ ہماری اسمبلی میں اس قسم کے لوگ نہیں آنا چاہیئں۔ کیس کی سماعت پیر تک ملتوی کر دی گئی۔
کراچی : قتل و غارت کا سلسلہ جاری، مزید4 افراد قتل
صدر زرداری کے دو عہدوں کیخلاف لاہور ہائیکورٹ کا فل بنچ تشکیل
