مسلم لیگ ن کے سینئررہنما سینیٹر ذوالفقار کھوسہ کی رائے ونڈ میں مسلم لیگ ن کے صدر میاں نواز شریف سے ملاقات کے بعد پارٹی قیادت پر اعتماد کا اظہار کردیا ۔سینیٹر ذوالفقار کھوسہ نے رائے ونڈ میں مسلم لیگ ن کے صدر میاں نواز شریف سے ملاقات کی ۔ اس موقع پر قومی اسمبلی میں اپوزیشن لیڈر چوہدری نثار علی خان ، اور وزیراعلی پنجاب شہباز شریف سمیت دیگر رہنما بھی موجود تھے۔میڈیا سے گفتگو کرتے ہوئے مسلم لیگ ن پنجاب کے سیکرٹری جنرل راجہ اشفاق سرور نے بتایا کہ ملاقات میں غلط فہمیوں کو دور کیا گیا ہے ۔ راجہ اشفاق سرور نے بتایا کہ پارٹی قیادت کے خلاف بیان بازی سے گریز پر میاں نواز شریف نے سردار ذوالفقار کھوسہ کا شکریہ ادا کیا ہے۔ انھوں نے کہا کہ بہت جلد ذوالفقار کھوسہ اپنی پرانی ذمہ داریاں سنبھال لیں گے۔ مسلم لیگ ن کی قیادت سے اختلافات کے خاتمے کے حوالے سے سینیڑ ذوالفقار کھوسہ میڈیا سے گفتگو کیے بغیر ہی رائے ونڈ سے روانہ ہو گئے۔
ڈرون حملے حکومت کی مرضی سے ہو رہے ہیں: عمران خان
وزیراعظم کی عدالت میں پیشی سے متعلق مشاورتی عمل میں تیزی
