کراچی : رکن صوبائی اسمبلی نشاط محمد ضیاء قادری کا فراہمی و نکاسی آب کے حوالے سے عوامی شکایات کا فوری نوٹس لیتے ہوئے واٹر اینڈ سیوریج بورڈ کے افسران کے ہمراہ شاہ فیصل کالونی کا تفصیلی دورہ ،عوام سے ملاقات علاقائی مسائل خصوصاً واتر اینڈ سیوریج بورڈ کے حوالے سے عوامی شکایات سننے کے بعد موقع پر موجود افسران کو ہدایت کی کہ ہر گھر میں پینے کے صاف پانی کی فراہمی اور سڑکوں سے سیوریج کے گندے پانی کے خاتمے کو یقینی بنا یا جائے نشاط ضیاء قادری نے فراہمی ونکاسی آب کے حوالے سے بڑھتے ہوئے عوامی شکایات پر سخت برہمی کا اظہار کرتے ہوئے متعلقہ ذمہ دران کو متنبہ کیا کہ عوامی سہولیات کی فراہمی کے حوالے سے کسی بھی قسم کی غفلت اور لاپرواہی قطعی برداشت نہیں کیا جائے گی۔
افسران و عملہ اپنا قبلہ درست کریں اور عوامی خدمت کے حوالے سے اپنی فرائض نیک نیتی اور ذمہ داری کے ساتھ انجام دیں ۔رکن صوبائی اسمبلی نشاط محمد ضیاء قادری نے واٹر اینڈ سیوریج بورڈ کے مقامی افسران کو ہدایت کی کہ شاہ فیصل کالونی میں فراہمی و نکاسی آب کے حوالے سے عوامی شکایات کا 3روز کے اندر ازالہ کیا جائے ،پینے کے صاف پانی کی بلا تفریق ہر علاقے میں فراہمی کو یقینی بنا نے کے لئے ترسیلی نظام کو درست بنا یا جائے اور سیوریج فلو کی درستگی کے لئے تمام سیوریج لائنوں کی صفائی کی جائے تاکہ عوام کو در پیش علاقائی مسائل سے چھٹکارہ دلا یا جاسکے مختلف علاقوں میں عوامی وفود سے ملاقات کے موقع پر گفتگو کرتے ہوئے رکن صوبائی اسمبلی نشاط محمد ضیاء قادری نے کہاکہ علاقائی ترقی کے ساتھ عوام کو مسائل سے پاک معاشرے کی فراہمی کے لئے شب روز کوشاں ہیں اور انشااللہ عوامی تعاون کے زریعے شاہ فیصل کالونی کے تمام علاقوں میں مسائل سے پاک معاشرے کا قیام یقینی بنا یا جائے گا۔
کراچی ، گارڈن سے 2 لاشیں ملیں ، فائرنگ سے 1 شخص زخمی
