پاکستان ریلوے کے پنشنرز کو دوسرے ماہ بھی پنشن نہیں دی گئی جس کے باعث مشکلات کا شکار سابق ریلوے ملازمین احتجاج پر مجبور ہوگئے ہیں۔ لاہور میں پاکستان ریلویز کے ریٹائرڈ ملازمین اور ان کی بیواوں نے آج دوسرے ماہ بھی پنشن نہ ملنے پر دومختلف مقامات پر احتجاجی مظاہرے کیے۔ مظاہرین نے صدر بازار اور شالیمار چوک پر دھرنا دیتے ہوئے سڑک ٹریفک کے لیے بلاک کردی۔ مظاہرین کا کہنا تھا کہ پنشن کی عدم ادائیگی کی باعث ان کو بجلی کے بل سرچارج کے ساتھ جمع کرانے پڑرہے ہیں۔ جبکہ ان کے بچوں کے نام بھی اسکولوں سے کاٹے جارہے ہیں۔ مظاہرین کا کہنا تھا کہ وہ اپنی تنخواہوں سے کاٹے ہوئے پیسے اپنا حق مانگ رہے ہیں کوئی بھیک نہیں۔
لاہور: کراچی ایکسپریس کو انجن نہ ملا، دس گھنٹے بعد روانہ
نصرت بھٹو نے جمہوریت کے لیے بڑی قربانیاں دیں،چوہدری شجاعت
