چیف جسٹس افتخار محمد چو دھری نے کہا ہے کہ ریکوڈک کے معاملے پر عالمی عدالت میں چلنے والے کیس میں سپریم کورٹ غیر جانبدار ہے۔
ریکوڈک کیس کی سماعت چیف جسٹس افتخار محمد چوہدری کی سر براہی میں تین رکنی بینچ نے کی۔درخواست گزار کے وکیل رضا کاظم نے دلائل دیتے ہوئے کہا کہ سارا معاملہ انتہائی پیچیدہ ہے ۔بین الاقوامی ثالثی عدالت فیصلہ دینے جارہی ہے۔
انہوں نے کہا کہ اس معاملے پر عالمی ثالثی نہیں ہوسکتی عدالت آج ہی حکم جاری کرے۔ اس پر چیف جسٹس نے کہا کہ ہم غیر جانبدار ہیں جو بین الاقوامی ثالثی عدالت میں ہوگا وہ حکومت بھگتے گی۔ ہم پر کسی قسم کا کوئی دباو ہے نہ ہمیں کوئی آرڈر دینے کی جلدی ہے۔انہوں نے درخواست گزار سے کہا کہ کرپشن کے معاملے میں آپ کو عدالت کی معاونت کرنا ہو گی۔کیس کی مزید سماعت پیر کو ہو گی۔
محرم : حساس اضلاع میں فوج طلب کرنے کا فیصلہ
دہشت گردی کے خلاف جنگ میں پاکستان کے مسائل کو سمجھا جائے: نواز شریف
