زرداری پنجاب کو فتح کرنے کے خواب دیکھنا چھوڑ دے:چوہدری عابد رضا کوٹلہ
Posted on April 24, 2012 By Geo Urdu گجرات
کھاریاں : راہنما مسلم لیگ ن ضلع گجرات چوہدری عابد رضا کوٹلہ نے کہا ہے کہ زرداری پنجاب کو فتح کرنے کے خواب دیکھنا چھوڑ دے کیونکہ آئندہ انتخابات میں عوام ان کو ان کی پارٹی سمیت مسترد کردیں گے ، میاں نواز شریف وفاقی کی علامت ہیں اور وہی آئندہ الیکشن میں ملک بھر میں کلین سویپ کر کے حکومت بنائیں گے ، اور ملک کی بھاگ دوڑ سنبھالیں گے ، اور کرپشن کرنیوالوں سے پائی پائی کا حساب لیں گے ، عوام بھی ان لیٹروں ، چوروں اور کرپٹ حکمرانوں سے کڑے احتساب کا مطالبہ کر رہے ہیں ، پنجاب میں زرداری کے دوروں سے مسلم لیگ ن کو کچھ فرق نہیں پڑے گا ، البتہ پیپلز پارٹی میں ضروری دراڑ پڑے گی اور انہی کا جنازہ نکلے گا ، انہوںنے کہا کہ انشاء اللہ اب وہ وقت دور نہیں جب ان حکمرانوں کا بوریا بستر گول ہو گا ، عوام ان کو چلتا کریں گے اور اپنے ووٹ کے ذریعے میاں نواز شریف کو وزیراعظم بنائیں گے ۔
