سردار عتیق احمد خان اور مرکزی قیادت نے مجھ پر جس اعتماد کا اظہار کیا ہے اس پر میں پورا اتروں گا ،اسماعیل خالد
Posted on October 10, 2012 By Geo Urdu سٹی نیوز
بھمبر (ڈسٹرکٹ رپورٹر) صدر جماعت سردار عتیق احمد خان اور مرکزی قیادت نے مجھ پر جس اعتماد کا اظہار کیا ہے اس پر میں پورا اتروں گا میرے لیے یہ بڑا اعزاز رکھتی ہے کہا کہ انہوں نے ایک چھوٹے کارکن کو سیاست میں اس اہم ذمہ داری کیلئے منتخب کیا اور مجھے مرکزی رابطہ سیکرٹری مسلم کانفرنس جیسی اہم ذمہ داری سونپی ان خیالات کا اظہار نو منتخب مرکزی رابطہ سیکرٹری چوہدری اسماعیل خالد نے صحافیوں سے گفتگو کرتے ہوئے کیا انہوں نے کہاکہ میں حسب روایت مسلم کانفرنس کیلئے اور اسکی مضبوطی کیلئے دن رات اپنی صلاحیتیں بروئے کار لاؤں گا اور مجاہد اول سردار عبدالقیوم خان اور جماعت کا پیغام جہاں تک ممکن ہوا پورے آزادکشمیر میں پہنچاؤں گا۔
انہوں نے کہاکہ وہ وقت دور نہیں جب ایک دفعہ پھر مسلم کانفرنس مضبوط اور منظم ہوگی ہم نے اپنی صف بندی شروع کردی ہے اور تکمیل پاکستان اور تحریک آزادی کشمیر کو منطقی انجام تک پہنچائیں گے مسلم کانفرنس اور پاکستان کیخلاف ہونے والی سازشوں کا مقابلہ کرینگے غیر ریاستی اور غیر نظریاتی جنہوں نے آزادکشمیر میں افرا تفری پھیلا رکھی ہے اسکا منہ توڑ جواب دیں گے۔
انہوں نے کہاکہ میں مسلم کانفرنس اور اپنی قیادت کو یقین دلاتا ہوں کہ جلد ضلع بھمبر میںمسلم کانفرنس کے تمام ونگز کومتحرک کرینگے اور ایک دفعہ پھر بھمبر میں بالخصوص اور پورے آزادکشمیر میں بالعموم عروج حاصل ہو گا مرکزی رابطہ سیکرٹری مسلم کرنفرنس نے آخر میں مسلم کانفرنس اور سردارعتیق احمد خان کی قیادت پر مکمل اعتماد کا اظہار کیا ۔
