سیف الرحمن بھٹی کے اعزاز میں حاجی عاشق حسین چیچی نے گرینڈ عشائیہ دیا
Posted on July 1, 2012 By Adeel Webmaster گجرات
گجرات(جی پی آئی)سیف الرحمن بھٹی ضلعی راہنما مسلم لیگ ن کے اعزاز میں گزشتہ رات حاجی عاشق حسین چیچی نے گجرات اپنی رہائشگاہ پر گرینڈ ڈنر کا اہتمام کیا۔
مہمان خصوصی سیف الرحمن بھٹی کے علاوہ اس پر تکلف عشائیہ میں محمد الیاس گل ڈپٹی ڈائریکٹر اینٹی کرپشن ، رانا منظور حسین سابق DDORگجرات ، چوہدری محمد نواز خواصپور ، توقیر سلیمان بھٹی ، چوہدری سلیم اختر ، راجہ عبدالرحمن ، چوہدری کاشف نواز و دیگر معززین نے شرکت کی ۔
مہمان خصوصی اور مہمانوں کا استقبال حاجی عاشق حسین چیچی ، چوہدری افضال اکبر چیچی ، سابق ناظم و اپوزیشن لیڈر اور چوہدری علی چیچی نے کیا ، سیف الرحمن بھٹی نے اس موقع پر گفتگو کرتے ہوئے کہا کہ ہم عوامی خدمت پر یقین رکھتے ہیں اور لوگوں کے مسائل بلا تفریق حل کروا رہے ہیں۔
عوام کی خدمت ہی میری زندگی کا مشن ہے ، ہمارے بھائی حاجی عاشق حسین بھی لوگوں کی بے لوث خدمت کر رہے ہیں ، میں انکا اور آپ سب معززین کا بے حد مشکور ہوں ، جنہوں نے میرے لئے وقت نکالا اور اس عشائیہ میں شرکت کی۔
حاجی عاشق حسین نے اس موقع پر کہا ہم سیف الرحمن بھٹی کو اپنے حلقہ میں ترقیاتی کام کروانے اور لوگوں کے مسائل ترجیح بنیادوں پر حل کروانے پر خراج تحسین پیش کرتے ہیں ، اپنے حلقہ پی پی 112میں عوام کی بے لوث خدمت کے تحت سیف الرحمن بھٹی نے اپنے حلقہ پی پی 112میں ایک منفرد اور نمایاں مقام بنا لیا ہے ، آئندہ الیکشن میں سیف الرحمن بھٹی کی کامیابی یقینی ہے ، اور ہم انکی الیکشن مہم بھرپور انداز میں چلائینگے ۔
