پاکستان (جیوڈیسک) پاکستان نے شا می فوج کی طرف سے ترکی کے علاقے میں بلااشتعال گولہ باری کے واقعے کی مذمت کی ہے ۔دفتر خارجہ کی طرف سے جاری بیان کے مطابق ترک وزیر خارجہ احمد داد اوگلو نے بدھ کی شام وزیر خارجہ حنا ربانی کھر کو فون کیا اور انھیں شام کی فوج کی طرف سے ترکی کی سرحدی حدود میں بلا اشتعال گولہ باری کے واقعے کے بارے میں بتایا ۔
جس کے نتیجے میں پانچ بے گناہ ترک شہری ہلاک ہوئے ۔ حنا ربانی کھر نے شام کی فوج کی طرف سے ترکی کے علاقے میں بلا اشتعال فائرنگ کے واقعے کی سخت مذمت کرتے ہوئے بے گناہ ترک شہریوں کی ہلاکت پر گہرے افسوس کا اظہار کیا ۔ وزیر خارجہ نے کہا کہ پاکستان ترکی کی علاقائی سالمیت کی مکمل حمایت کرتا ہے ۔
امریکی صدارتی انتخابات، پہلے مباحثے میں معیشت سر فہرست
ایکسپو پاکستان سے ملکی برآمدات میں اضافہ ہوگا، گورنر سندھ
