شوق، ہر رنگ رقیب سرو ساماں نکلا
Posted on June 5, 2012 By Adeel Webmaster مرزا غالب
mirza Ghalib
شوق، ہر رنگ رقیب سرو ساماں نکلا
قیس تصویر کے پردے میں بھی عریاں نکلا
زخم نے داد نہ دی تنگی دل کی یا رب
تیر بھی سینہ بسمل سے پر افشاں نکلا
بوئے گل، نالہ دل دودِ چراغ محفل
جو تری بزم سے نکلا سو پریشاں نکلا
دل حسرت زدہ تھا مائدئہ لذتِ درد
کام یاروں کا بہ قدر لب و دنداں نکلا
اے نو آموز ہمت، دشوار پسند
سخت مشکل ہے کہ یہ کام بھی آساں نکلا
دل میں پھر گریے نے اک شور اٹھایا غالب
آہ جو قطرہ نہ نکلا تھا سو طوفاں نکلا
غالب
نکتہ چین ہے غمِ دل اس کو سنائے نہ بنے
سب کہاں کچھ لالہ و گل میں نمایاں ہو گئیں
