نواسہ رسول حضرت امام حسین اور شہدائے کربلا کا چہلم آج مذہبی عقیدت و احترام سے منایا جا رہا ہے ۔ ملک بھر میں مجالس عزا کا اہتمام اور ماتمی جلوس نکالے جا رہے ہیں۔ کراچی میں شہدائے کربلا کے چہلم کا مرکزی جلوس نشتر پارک سے برآمد ہو گا جو نمائش چورنگی، ایم اے جناح روڈ ، تبت سینٹر، بولٹن مارکیٹ سے ہوتا ہوا حسینیہ امام بارگاہ شاہ خراساں پر ختم ہو گا۔ کراچی کے مختلف علاقوں سے چھوٹے جلوس نشتر پارک پہنچ چکے ہیں ۔ لاہور میں چہلم کا مرکزی جلوس اندرون موچی گیٹ نثار حویلی سے برآمد ہوا۔ جو اپنے روایتی راستوں سے ہوتا ہوا کربلا گامے شاہ پہنچ کر ختم ہوگا۔ پشاورمیں چہلم کامرکزی ماتمی جلوس امام بارگاہ اخون آباد سے برآمد ہوگا۔ ماتمی جلوسوں کی نگرانی کے لیے سکیورٹی کے فول پروف انتظامات کیے گئے ہیں۔
دنیا کی کم عمر ترین پاکستانی آئی ٹی ماہرارفع کا انتقال
ارفع کریم کی لاہورمیں نمازجنازہ،میت فیصل آباد روانہ کردی گئی
