اسلام آباد (اصل میڈیا ڈیسک) موسیقی کی دنیا میں اپنی آواز کے بل پر پاکستان کا نام دنیا بھر میں روشن کرنے والے صدارتی ایوارڈ یافتہ گلوکار اعجاز قیصر انتقال کر گئے۔
68 سالہ اعجاز قیصر، دل ،گردوں اور پھیپھڑوں کے امراض میں مبتلا تھے، انہوں نے اپنی مدھر آواز سے نہ صرف پاکستان بلکہ دنیا بھر میں موسیقی کے ساتھ محبت رکھنے والوں کے درمیان اپنی منفرد شناخت بنائی۔
اعجاز قیصر بیماری کے باعث ایک عرصے سے گمنامی اختیار کر چکے تھے، ان کے دل کی شریانیں بند اور گردوں کی بیماری کے باعث وہ بہت کمزور بھی ہو چکے تھے۔
گزشتہ رات انہیں طبیعت ناساز ہونے پر مقامی اسپتال منتقل کیا گیا لیکن وہ جانبر نہ ہوسکے۔
اعجاز قیصر کے بیٹے ممتاز قیصر کے مطابق انہیں آج مقامی قبرستان میں سپرد خاک کیا جائے گا۔
کورونا کے باعث عید کے دوسرے روز کی خوشیاں بھی ماند پڑ گئیں
میں ملبے میں ماں کو ڈھونڈ رہا تھا، لوگ سیلفی بنا رہے تھے
