صدر آصف علی زرداری کو دل کے عارضے کے باعث دبئی کے اسپتال میں داخل کر لیا گیا ہے جہاں ان کے مختلف ٹیسٹ کیے جارہے ہیں۔ صدر زرداری کے ہمراہ ان کی میڈیکل ٹیم بھی ہے صدر وطن واپسی پر پارلیمنٹ کے مشترکہ اجلاس سے خطاب کریں گے۔ متحدہ قومی موومنٹ کے قائد الطاف حسین نے صدر آصف زرداری کی صحت کی خرابی پر تشویش کااظہار کیا ہے اور ان کی جلد صحت یابی کیلیے دعا کی۔ ایک بیان میں الطاف حسین کا کہنا تھا کہ ایم کیو ایم کی رابطہ کمیٹی اور کارکن صدر آصف زرداری کے لیے دعا گو ہیں۔ الطاف حسین نے دعا کی کہ اللہ تعالی صدر آصف زرداری کو جلد صحتیابی عطا فرمائے اوران کی مشکلات آسان کرے۔ الطاف حسین نے عوام سے بھی اپیل کی کہ وہ صدرکی صحتیابی کیلئے ہرنماز میں دعا کریں۔
کراچی: مغوی تاجر بازیاب، تین اغواء کار مارے گئے
لاہور میں بارش : کوئٹہ میں سرد ہوائیں، سردی میں اضافہ
