ایڈیشنل ڈائریکٹر ایف آئی اے اور این آئی سی ایل اسکینڈل کے تفتیشی افسر ظفر قریشی آج مدت ملازمت پوری ہونے کے بعد ریٹائر ہو گئے ہیں۔ ظفر قریشی کی ریٹائرمنٹ کا نوٹیفیکشن اسٹیبلشمنٹ ڈویژن نے تین روز قبل ہی جاری کر دیا تھا۔ ظفر قریشی نے آج سپریم کورٹ میں بھی این آئی سی ایل کریشن سکینڈل کی ادھوری رپورٹ جمع کرائی۔ ظفر قریشی اس سکینڈل کا مکمل چالان جمع نہیں کراسکے اپنی مدت ملازمت کے دوران این آئی سی ایل اسکینڈل کی وجہ سے وہ متنازعہ شخصیت بنے رہے۔ متعدد بار انھیں این آئی سی ایل اسکینڈل کی تفتیش سے الگ کیا گیا لیکن عدالت عظمی کے حکم پر انھیں دوبارہ تفتیش کیلئے متعین کیا جاتا رہا۔ ظفر قریشی نے عدالت عظمی کو خط بھی لکھا تھا کہ وفاقی سیکرٹری داخلہ اور ڈی جی ایف آئی اے تفتیش میں تعاون نہیں کر رہے۔
دفاع پاکستان: ملک بھر میں مذہبی جماعتوں کی ریلیاں
جنوبی وزیرستان: ڈرون حملے میں تین افراد جاں بحق
