معروف قانون دان اور سیاستدان اعتزاز احسن نے کہا ہے کہ چیف جسٹس افتخار محمد چوہدری کے پرویز مشرف کے خلاف ڈٹ جانے کی وجہ سے ملک میں جمہوری نظام مضبوط ہوا تاہم ان کا کہنا تھا کہ اب عدلیہ کے بارے میں باتیں ہو رہی ہیں۔
برطانوی نشریاتی ادارے کے ساتھ انٹرویو میں اعتزاز احسن کا کہنا تھا کہ اب عدلیہ آزاد, بہت آزاد بلکہ آئین سے بھی آزاد ہو رہی ہے. انہوں نے سابق وزیر اعظم یوسف رضا گیلانی کی نااہلی کے فیصلے کو غلط قرار دیا۔ اعتزاز احسن کا موقف تھا کہ سادہ اکثریت سے بنائے گئے قانون پر تو سپریم کورٹ یہ غور کر سکتی ہے کہ کہیں مذکورہ قانون آئین کی کسی شق سے متصادم تو نہیں مگر اگر پارلیمان دو تہائی اکثریت سے آئین میں ترمیم کرے تو اسے عدالت میں چیلینج نہیں کیا جا سکتا ہے۔ اعتزاز نے کہا کہ موجودہ عدالت نے ایسے فیصلے سنائے ہیں جس سے مارشل لا کا امکان ختم ہو گیا ہے۔ اعتزاز احسن نے کہا کہ آئندہ انتخابات میں پیپلز پارٹی کامیابی بھی حاصل کرے گی اور دوبارہ حکومت بنانے میں کامیاب ہو جائے گی کیونکہ صدر آصف علی زرداری مخلوط حکومت بنانے کا کافی تجربہ رکھتے ہیں۔
آسٹریلیا سے شکست ، پاکستان اولمپکس ہاکی ایونٹ سے باہر
عمران خان کا خواجہ آصف کو عدالت لے جانے کا اعلان
