عوامی خواہش کے مطابق سید نور الحسن شاہ کو ن لیگ کی قیادت ٹکٹ دے :شیخ عمر اعجاز
Posted on September 12, 2012 By Geo Urdu گجرات
گجرات (جی پی آئی) حلقہ این اے 106سے ن لیگ کی قیادت سید نور الحسن شاہ کو ٹکٹ دے ان خیالات کا اظہار ممتاز کاروباری و سیاسی شخصیت شیخ عمر اعجاز نے کیا انہوں نے کہا کہ سید نور الحسن شاہ نے حلقہ کی عوام کی عملی طور پر خدمت کی ہے ، اور سادات خاندان نے ہمیشہ علاقہ کی تعمیر و ترقی میں اہم کردار ادا کیا ہے ، جبکہ ایک عرصہ سے سادات خاندان مسلم لیگ کے پرچم تلے متحد ہے اور عوامی خدمت کا مشن جاری رکھے ہوئے ہیں ۔
ن لیگ کی قیادت کو چاہیے کہ وہ آئندہ انتخابات کے سلسلہ میں سید نور الحسن شاہ آف کلیوال سیداں کو حلقہ این اے 106سے پارٹی ٹکٹ دے کیونکہ حلقہ میں ان کی قیادت میں پارٹی مکمل طور پر متحد ہے اور عوام کی خدمت میں مشغول ہے ، سادات خاندان کی خدمات کسی سے ڈھکی چھپی نہیں ہے ، عوام کی خواہش ہے کہ وہ آئندہ بھی ملکی سیاست میں اہم کردار ادا کرتے رہیں ۔
