عید سعید اللہ تعالیٰ کی نعمتوں اور انعامات کے تشکر کا نام ہے : ڈاکٹر سید احسان اللہ
Posted on August 24, 2012 By Geo Urdu گجرات
گجرات(جی پی آئی) عید سعید اللہ تعالیٰ کی نعمتوں اور انعامات کے تشکر کا نام ہے۔ امیر ضلع ڈاکڑ سید احسان اللہ ، جنر ل سیکرٹری ڈاکڑ طارق سلیم کا عید ملن پارٹی سے کھوہار سرائے عالمگیر میں خطاب عیدین کے بڑے اجتماعات اسلام کی شان و شوکت کا اظہار ہوتے ہیں۔جماعت اسلامی کھوہار کے امیر ملک نذیر احمد ، امیرزون ڈاکڑ محمد اختر ، چوہدری شیخ محمد صدیق ،ملک عبدالوحید اعوان اورملک ربانی وحید نے جماعت اسلامی ضلع گجرات کے رہنمائوں کا پرتپاک استقبال کیا۔جماعت اسلامی کے رہنمائوں نے خطاب کرتے ہوئے کہا پاکستان بڑی قربانیوں اور جدو جہد کے بعد حاصل ہوا ہے۔
اس کی بنیادوں میں ہزاروں شہیدوں کا لہو شامل ہے۔بد قسمتی سے قیام پاکستان سے لے کر اب تک ابن الوقتوں پیشہ ور سیاسی مفاد پرستوںنے کرپشن اور کمیشن مافیا نے اس ملک کی جڑوں کو کھوکھلا کیا ہے اور اِن بد عنوان لوگوں نے عملاً پاکستان کو پتھر کے زمانے میں دھکیل دیا ہے۔ جماعت اسلامی کا ماضی و حال صاف سُتھرا ،نِکھرا اور اُجلا ہے۔انشاء اللہ ہم بہترین متبادل قیادت فراہم کریں گے اور باری کے بُخار کی طرح قوم کی گردنوں پر مسلط ہونے والوں کا راستہ روکیں گے۔
