پاکستان کرکٹ بورڈ کے زیر اہتمام انڈر نائنٹین ریجن کرکٹ ٹورنامنٹ کے فائنل میں فیصل آبادنے راولپنڈی کو شکست دے کر ٹائٹل جیت لیا۔ اسلام آباد کے نیشنل کرکٹ اسٹیڈیم میں کھیلے گئے فائنل میں فیصل آباد نے پہلی اننگز میں دو سو چھتیس رنز اسکور کئے۔ ابوبکر تیہتر اور نعمان حسین چونتیس رنز بنا کر نمایاں رہے۔ دوسری اننگز میں بھی فیصل آباد کے بیٹسمین چھائے رہے اور چھ کھلاڑیوں کے نقصان پردو سو باسٹھ رنز بنا ڈالے۔ راولپنڈی ریجن کی ٹیم دوسری اننگز میں چار کھلاڑیوں کے نقصان پرنواسی رنز پر کھیل رہی تھی کہ کم روشنی کے باعث کھیل روک دیا گیا۔ پہلی اننگز کی برتری کی بنیاد پر فیصل آباد انڈر نائنٹین کو فاتح قرار دیا گیا۔ فیصل آباد کو چار لاکھ روپے جبکہ راولپنڈی کی ٹیم کو دو لاکھ روپے انعامی رقم دی گئی۔
آل پاکستان نیشنل بینک ہاکی ٹورنامنٹ واپڈا نے جیت لیا
پاکستان اور بنگلہ دیش کے درمیان دوسرا ون ڈے آج ہو گا
