قاضی منصور الحق آوانی اور صاحبزادہ رضوان منصور آوانی کا چوہدری محمد طفیل کی وفات پر اظہار افسوس
Posted on September 11, 2012 By Geo Urdu گجرات
گجرات (جی پی آئی) دربار عالیہ آوان شریف و مہمدہ شریف کے سجادہ نشین صاحبزادہ پیر قاضی منصور الحق آوانی ، زیب سجادہ نشین صاحبزادہ رضوان منصور آوانی ، DCAکے جنرل سیکرٹری نثار احمد نثاری نے اپنے مشترکہ بیان میں مسلم لیگ قائداعظم ضلع گجرات کے جنرل سیکرٹری چوہدری محمد طفیل کی ناگہانی وفات پر اظہار افسوس کرتے ہوئے کہا کہ چوہدری محمد طفیل بہت اچھے انسان تھے ، دینی محفلوں میں بڑے ذوق و شوق سے شرکت کرتے تھے ، اور دینی محفلوں کے انعقاد کرنے والوں کی بڑی سرپرستی بھی کرتے تھے ، ایسے انسان بہت کم ملتے ہیں ، دربار عالیہ آوان شریف و مہمدہ شریف کے زیر اہتمام منعقد ہونے والی تمام محافل میں ضرور شرکت کرتے تھے انکی کمی ہمیشہ محسوس ہوتی رہے گی ، چوہدری محمد طفیل کی دین اسلام اور سیاسی ، سماجی لحاظ سے بھی قابل تعریف خدمات ہیں ، ہم انکی وفات پر چوہدری ندیم طفیل اور چوہدری عمران طفیل اور انکے تمام اہل خانہ کے غم میں برابر کے شریک ہیں ، اللہ تعالیٰ انہیں جنت الفردوس اور لواحقین کو صبر جمیل عطا فرمائے۔
