لاہور (جیوڈیسک) امریکی قونصل جنرل نینا ماریا فائٹ کا کہنا ہے کہ ان کی حکومت پاکستان کی معیشت کی بہتری کے لئے ہر ممکن مدد فراہم کر رہی ہے۔ ایوان صنعت و تجارت لاہور کے دفتر کے دورے کے موقع پر نینا ماریا فائٹ کا کہنا تھا کہ 3 ہزار 5 سو پاکستانی مصنوعات اب بھی امریکی منڈیوں میں ڈیوٹی فری بھیجنے کی اجازت ہے جس سے سینکڑوں تاجر زر مبادلہ کما رہے ہیں۔
جبکہ پاکستان اور امریکہ کے درمیان سالانہ تجارت کا حجم چار ارب ڈالر ہے جو آئندہ سالوں میں بڑھے گا۔ ان کا کہنا تھا کہ ان کی حکومت کی کوشش ہے کہ پاکستان میں نوجوانوں اور خواتین کے لئے نوکریوں کے زیادہ سے زیادہ مواقع پیدا کرنے کے بارے پروگرام چلائے جائیں۔
جولین اسانج کا 2013 میں آسٹریلیا سے سینٹ الیکشن لڑنے کا اعلان
گڈز ٹرانسپورٹرز کی ہڑتال سے 150 ارب روپے کا نقصان
