لاہور کے علاقہ شالیمار لنک روڈ پر نامعلوم افراد کی فائرنگ سے تین سگے بھائی جاں بحق ہوگئے۔ پولیس کے مطابق کبیر اور نعیم اپنے بھائی رشید کو علامہ اقبال ائیرپورٹ پر چھوڑنے جارہے تھے۔ وہ انگلینڈ سے اپنے والد کے جنازہ میں شرکت کے بعد واپس جارہا تھا۔ شالیمار لنک روڈ پر نامعلوم افراد کی فائرنگ سے دو بھائی موقع پر ہی جاں بحق ہوگئے جبکہ تیسرے کو شالیمار اسپتال پہنچایا گیا لیکن وہ جانبر نہ ہوسکا۔ مقتولین آٹھ بھائی ہیں۔ ان کے مطابق ان کی کسی سے کوئی دشمنی نہیں جبکہ ایس پی انویسٹی گیشن لیاقت کے مطابق گزشتہ رات علاقہ میں ان کا کسی سے جھگڑا ہوا تھا اور ان کا قتل گزشتہ رات کے واقعہ کا نتیجہ ہو سکتا ہے۔
کراچی سمیت سندھ بھر میں بارش کا سلسلہ جاری
مظفرآباد : مسافر بس دریا میں گر گئی، دو افراد جاں بحق
