لاہور کے علاقے اسلامیہ پارک میں گھریلوتنازعے میں چھ ماہ کی بچی کو مکان کی دوسری منزل سے نیچے پھینک کر ہلاک کردیا گیا۔ ہلاک ہونے والی بچی کا نام فاطمی تھا۔ بچی کی والدہ سارہ کا کہنا تھا کہ اس کے سسرالی اس پر تشدد کرتے تھے اور اس کی بیٹی فاطمہ کو بھیہ اس کی نند رضیہ عرف شبو نے غصے میں زمین پر پھینکا جس سے اس کی بچی کی ہلاکت ہوئی۔ بچی کے باپ عباس کا کہنا تھا کہ اس کی بیوی سارہ نے خود اپنی بچی کو مکان کی چھت سے نیچے پھینک کر ہلاک کیا ہے۔ اہل محلہ کے مطابق بچی کا باپ عباس ایک پاگل شخص ہے جبکہ اس گھرانے میں لڑائیاں روز کا معمول ہیں۔ پولیس نے بچی کی لاش کو قبضہ میں لیکر پوسٹ مارٹم کیلئے اسپتال منتقل کردی جبکہ اس افسوسناک واقعے کا مقدمہ بچی کی ماں اور پھوپھی کے خلاف درج کر لیا گیا ہے۔
وفاقی کابینہ کا اجلاس آج ہو رہا ہے
کراچی: رہائشی علاقے کی پی ایم ٹی میں آتشزدگی
