لندن (جیوڈیسک)آٹھ با ر کے گولڈ میڈلسٹ بھارت کو اپنے آخری میچ میں بھی شکست ہو گئی۔ لندن اولمپکس کے ہاکی ایونٹ کی گیارہویں اور بارہویں پوزیشن کے میچ میں جنوبی افریقہ نے بھارت تین کے مقابلے دو گول سے شکست دے دی۔ یہ بھارت کی اولمپکس میں بد ترین کارکردگی ہے۔
لندن میں کھیلے گئے آخری پوزیشن کے میچ میں جنوبی افریقہ نے بھارت کو شکست دے کر گیارہویں پوزیشن حاصل کی۔ کھیل کے آٹھویں منٹ میں جنوبی افریقہ نے پہلا گول اسکور کیا۔ جسے چودہویں منٹ میں بھارت نے برابر کردیا۔ پہلے ہاف کے اختتام سے چند منٹ قبل جنوبی افریقہ نیدوسرا گول اسکور کر کے دو ایک کی برتری حاصل کر لی۔
کھیل کیچونسٹھ ویں منٹ میں جنوبی افریقہ نے تیسرا گول اسکور کرکے اپنی پوزیشن مستحکم کر لی۔ کھیل ختم ہونے سے چند منٹ قبل بھارت نے دوسرا گول کیا لیکن شکست سے نہ بچ سکا اور مقابلہ تین دو سے جنوبی افریقہ نے جیت لیا۔ بھارت نے دو ھزار آٹھ کے اولمپکس کے لئے کوالیفائی نہیں کیا تھا۔
اولمپکس: ریفری کے فیصلوں پر بھارتی تشویش
لندن اولمپکس : میکسیکو نے فٹ بال ایونٹ میں گولڈ میڈل جیت لیا
