لوئردیر(جیوڈیسک)لوئردیر میں کار دریا میں جاگری جس کے نتیجے میں ایک ہی خاندان کے سات افراد جاں بحق ہوگئے۔ لوئردیرمیں چے کدہ کا رہائشی خاندان درگئی جارہا تھاکہ چک درہ میں حادثہ پیش آیا۔
افطار کے بعد خلیل رحمان اپنے خاندان کیساتھ سفرکر رہے تھے کہ بادوال کا زیرتعمیر پل عبورکرتے ہوئے گاڑی بے قابو ہوگئی اوردریائے سوات میں گرگئی جس کے نتیجے میں تمام افراد جاں بحق ہوگئے۔
جاں بحق افراد میں دو خواتین اور تین بچے بھی شامل ہیں۔ حادثے کے بعد مقامی افراد نے ڈوبنے والوں کی تلاش شروع کی۔ مقامی افراد نیاپنی مدد آپ کے تحت جاں بحق افراد کی میتیں سول اسپتال چک درہ منتقل کیں۔ حادثے کی اطلاع ملنے پر علاقہ چے کدہ کی فضا سوگوار ہوگئی۔
اکبر بگٹی قتل کیس: آفتاب شیرپاؤ کی ضمانت منظور
کراچی : پرتشدد واقعات میں تین افراد جاں بحق، تین زخمی ہوگئے
