محمد سمیع خان نے9000 روڈ سینٹرل آئی لینڈ پرنئے پودے لگائے جانے کے کام کا جائزہ لیا
Posted on November 3, 2012 By Geo Urdu کراچی
کراچی: ایڈمنسٹریٹر / چیف آفیسر کورنگی ٹاؤن محمد سمیع خان نے9000 روڈ سینٹرل آئی لینڈ پرنئے پودے لگائے جانے اور سینٹرل آئی لینڈ پر صفائی ستھرائی کے کام کا جائزہ لیا اس موقع پر ان کے ہمراہ ٹاؤن آفیسر انفرا اختر خان خٹک ،ڈپٹی ٹاؤن آفیسر پارکس تنویر احمد اور دیگر محکمہ جاتی افسران بھی موجود تھے اس موقع پر انہوں نے کہا کہ آلودگی سے پاک ماحول کے ذریعے ہی صحت مند معاشرے کے قیام کوممکن بنا یا جاسکتا ہے آلودگی کے خلاف ہم سب کو مل کر جدوجہد کرنی ہوگی قدرتی ماحول کو آلودہ ہونے سے بچانے کیلئے زیادہ سے زیادہ درخت لگائے جائیں تاکہ صحت مند اور آلودگی سے پاک ماحول میسر آسکے اور ماحولیاتی آلودگی سے پاک معاشرے کے قیام میں مدد ملے گی۔
سبز وشاداب آبادیاں نگاہ کو اچھی لگتی ہیں اور خوشگوار ماحول پیدا کرتی ہیں انہوںنے مزید کہا کہ سر سبز و شاداب ماحول ماحولیاتی آلودگی کے خاتمے میں مثبت کردار ادا کرنے کے ساتھ ساتھ انسانی صحت کا بھی ضامن ہے عوام کو پر فضا اور سر سبز شاداب ماحول کی فراہمی کو یقینی بنانے کے لئے بھر پور اقدامات اٹھا رہے ہیں اس موقع پر موجود عوام الناس سے گفتگو کرتے ہوئے کہا کہ جہاں صفائی ستھرائی کی صورتحال کو بہتر بنانے کی ذمہ داری میونسپل ایڈمنسٹریشن کورنگی ٹاؤن کی ہے و ہاں کورنگی ٹاؤن کو صاف ستھرا رکھنے کے لئے عوام کو بھی اپنی ذمہ داری کا احساس کرنا ہوگا تاہم ٹاؤن انٹظامیہ عوامی مسائل ان کے گھر کی دہلیز تک حل کرنے کیلئے ہمہ و قت کوشاںہے ٹاؤن کو صاف ستھرا او ردیگر ٹاؤن سے منفرد بنانے کے لئے تمام تر وسائل بروئے کار لائے جا رہے ہیں تاہم ماحول کو صاف ستھرا رکھنے کے لئے عوام کو بھی اپنا کردار اداکرنا ہوگا۔
لہذا میری آپ سے گذارش ہے کہ آپ لوگ اپنے گلی محلوں کو صاف رکھنے کے لئے ٹاؤن انتظامیہ سے تعاون کرتے ہوئے کچرا صرف کچرا کنڈیوں میں ڈالیں۔
کراچی : سپریم کورٹ کا پیرول پر رہا 35 قیدیوں کی گرفتاری کا حکم
