محکمہ واپڈا کے میٹر ریڈروں کی بادشاہت گھروں کی ریڈنگ آفس میں بیٹھ کر ہی کرنے لگے
Posted on August 8, 2012 By Geo Urdu گجرات
کھاریاں (جی پی آئی) محکمہ واپڈا کے میٹر ریڈروں کی بادشاہت گھروں کی ریڈنگ آفس میں بیٹھ کر ہی کرنے لگے ، صارفین کو اضافی یونٹوں کے ٹیکے ، گیپکو سب ڈویژن نمبر1کھاریاں کے دیہاتی علاقوں میں میٹر ریڈر جانے سے گریز کرتے ہیں ، اور آفس میں بیٹھ کر کاروائی مکمل کر لیتے ہیں ، جسکا خمیازہ ہر ماہ صارفین کو بھگتنا پڑتا ہے اووربلنگ سے عوام کی مشکلات میں اضافہ وہ رہا ہے ، اوپر سے قیمتوں میں بھی ہر ہفتے اضافہ کیا جا رہا ہے ، گزشتہ ریڈنگ میں ہر صارفین کو فی میٹر 70سے زائد یونٹیں اضافی ڈالی گئی تھیں ، جس سے ہر بل میں کم از کم 500روپے کا اضافہ ہوا ہے ۔
جس سے لوگ پریشان ہیں ، کچھ لوگ تو آفس میں رابطہ کر کے بجلی میں کٹوئی کروا لیتے ہیں مگر اکثریت کو یہ معلومات ہی نہیں ہیں کہ کس طرح کام کروائیں ، عوامی حلقوں نے ارباب اختیار سے اصلاح احوال کا مطالبہ کرتے ہوئے کہا ہے کہ میٹر ریڈروں کو صحیح ریڈنگ کرنے کا پابند بنایا جائے ۔
