سٹیج کے نامور مزاحیہ اداکار سکندر صنم جگر کے کینسر جیسے موذی مرض میں مبتلا ہیں، سکندر صنم نے اپنے کیرئیر میں کئی ڈراموں میں اداکاری کے جوہر دکھائے۔مزاحیہ اداکاری کے باعث مداحوں کو قہقہے لگانے پر مجبور کر دینے والے سکندر صنم گزشتہ کچھ عرصے سے جگر کے کینسر کے عارضے میں مبتلا ہیں۔ ڈاکٹروں کے مطابق سکندر صنم کی طبعیت تسلی بخش نہیں ہے۔
سکندر صنم نے اپنے کرئیر کا آغاز سٹیج ڈراموں سے کیا اور پھر دیکھتے ہی دیکھتے وہ ہر سٹیج ڈرامے میں نظر آنے لگے۔ سکندر صنم کا شمار پاکستان کے بہترین کامیڈین میں ہوتا ہے۔ انہوں نے نہ صرف پاکستان بلکہ بھارت سمیت کئی ممالک میں اپنی صلاحیتوں کا لوہا منوایا۔ سٹیج ڈراموں کے علاوہ انہوں نے مزاحیہ فلموں میں بھی اداکاری کے جوہر دکھائے۔سکندر صنم نے مزاح نگاری کو جس طرح سے اداکاری کے ذریعے پیش کیا اسے ان کے مداح کبھی فراموش نہیں کر سکتے۔
اکشے کمار نصیبو لال کے گانوں اور لاہوری کھانوں کے دیوانے
معروف اسٹیج اداکار اور کامیڈین سکندر صنم انتقال کر گئے
