ملاوٹ شدہ اشیاء سے خطرناک حد تک لاعلاج امراض پھیل رہی ہیں،ا س کافوری تدارک کیاجائے۔
Posted on August 22, 2012 By Nasir Mehmood سٹی نیوز
دور حاضر میں بھی طب نبوی ۖ کی اہمیت وافادیت مسلمہ ہے۔صوفی مسعوداحمدصدیقی
فیصل آباد (پ ر)امیر تنظیم مشائخ عظام پاکستان صوفی مسعوداحمدصدیقی لاثانی سرکار نے لاثانی سیکرٹریٹ پر مجلس شوریٰ کے اہم اجلاس میں ”ملاوٹ کی وجہ سے تیزی سے پھیلتی ہوئی لاعلاج بیماریوں ”پر فرمان نبوی ۖکے حوالے سے بات چیت کرتے ہوئے کہا کہ ”ملاوٹ کرنیوالا ہم میں سے نہیں ہے (یعنی میری امت سے بھی خارج ہے)اور ایک ایماندار اورصالح تاجر کی شان یہ ہے کہ وہ بروزقیامت انبیاء کرام،صدیقین اور شہدا ء کیساتھ اٹھایا جائیگا۔گھی ،نمک،مصالحہ جات اور دیگر روزمرہ کی اشیاء میں خطرناک حد تک ملاوٹ ہورہی ہے۔جس کی وجہ سے لاعلاج امراض تیزی سے پھیل رہی ہیں۔حکومت کوچاہیے کہ ملاوٹ کرنیوالے عناصر کے خلاف نہ صرف سخت ایکشن لے بلکہ ان قوانین پر سختی سے عمل درآمد بھی کرواتے ہوئے سخت سزائیں دے اور نشاندہی کرنیوالوںکی بھی خصوصی حوصلہ افزائی کرے۔چٹ پٹے کھانوں میں جومصالحہ جات استعمال ہورہے ہیں جسمانی صحت کیلئے انتہائی نقصان دہ ہیں،چینی جسے white poisionکہاجاتاہے اس کااورکولڈ ڈرنکس Cold Drinksجیسے مشروبات (بوتلوں)کاحد سے زیادہ استعمال بھی صحت کیلئے انتہائی خطرناک ہے۔آپ نے مزید کہاکہ ”طب نبوی ۖ کی اہمیت وافادیت” دور حاضر میں بھی اس کی اہمیت وافادیت مسلمہ ہے۔فرمان رسول ۖ ہے کہ ”وہ گھر کبھی غریب نہیں ہوگاجس میں سرکہ ہوگا”۔زیتون میں 76بیماریوںکاعلاج ہے ۔جو شخص مستقل طور پر ناشتے میں تھوڑا سا شہد استعمال کرتارہتاہے اسے کوئی بڑی بیماری نہیں لگتی۔دیسی گھی ،کھجوریں،کلونجی اور دیگر اشیاء کی بہت زیادہ افادیت ہے ۔آج بھی ہم ان قدرتی غذائوںکااستعمال کرنا شروع کردیں تو یقینا بہت سی لاعلاج بیماریوںسے نہ صرف محفوظ ہوجائیں بلکہ تندرست اور توانا بھی رہیں ۔
by Nasir Mehmood
Chief Editor at GeoURDU.com & Graphiste, Programmeur Informatique. L'auto-entrepreneur journaliste.
لاہور سمیت ملک کے بالائی علاقے اگلے 3 روز بارش کی لپیٹ میں رہیں گے، محکمہ موسمیات
عید الفطر کے موقع پر شاہ فیصل زون بلدیہ شرقی کی جانب سے شاہ فیصل کالونی کی تمام یونین کونسل میں صفائی وستھرائی اور عوامی سہولیات کی فراہمی کے حوالے سے مثالی انتظامات
