ملک حنیف اعوان نے اورنگزیب بٹ کی مسلم لیگ ن میں شمولیت پر مبارک باد دی
Posted on May 23, 2012 By Geo Urdu گجرات
گجرات : پاکستان مسلم لیگ ضلع گجرات کے صدر ملک حنیف اعوان اور ضلعی جنرل سیکرٹری حاجی ناصر محمود نے ممتاز بزنس مین اورنگزیب بٹ کی مسلم لیگ ن میں شمولیت اختیار کرنے پر ان کے آفس علینا سنٹر جا کر مبارک باد دی اور پھولوں کا گلدستہ پیش کیا ، اس موقع پر ملک حنیف اعوان نے صحافیوں سے بات چیت کرتے ہوئے کہا کہ ہم تو زیب بٹ کا شکریہ ادا کرنے آئے ہیں ، جنہوں ے ن لیگ میں آ کر ہمارے سر فخر سے بلند کیے ان کی شمولیت سے مسلم لیگ ن اور بھی مضبوط اور فعال ہو گی ، زیب بٹ جیسے سخی لوگوں کا ہمارے دلوں میں بڑا مقام ہے اور ہم ان کے تمام ساتھیوں کا شکریہ ادا کرتے ہیں کہ اور اس بات کی یقین دہانی کرواتے ہیں کہ زیب بٹ کے ساتھ قدم سے قدم ملا کر چلیں گے ، انہوں نے کہا کہ حق سچ کی بات کرنے والے لوگوں میں زیب بٹ کا شمار ہوتا ہے ، انہوں نے کہا کہ پارٹی کے تمام ناراض کارکنوں اور ورکروں کو ان کے گھر جا کر منائیں گے اور انہیں واپس لائیں اور ان کے مسائل ترجیح بنیادوں پر حل کرنا ہمارا اولین فرض ہے ، عنقریب وزیراعلیٰ میاں شہباز شریف زیب بٹ کی رہائشگاہ پر عظیم الشان جلسہ عام سے خطاب کرینگے ، حاجی ناصر محمود نے اس موقع پر کہا کہ جو لوگ مفاد کیلئے پارٹیاں چھوڑتے ہیں ، ان کا کسی بھی پارٹی میں مقام نہیں ہوتا ، چوہدری مبشر حسین نے ن لیگ کو چھوڑ کر تحریک انصاف میں شمولیت اختیار کرنے کا مقصد NA105کی ٹکٹ لینا ہے ، لیکن تحریک انصاف سے بھی انہیں ٹکٹ نہیں ملے گی ، انہوں نے کہا کہ ضلع بھر کی ہر یونین کونسل میں مسلم لیگ ن کے نیٹ ورک کو اور تیز کر دیا گیا ، اور لوگ جوق در جوق مسلم لیگ ن میں شمولیت اختیار کر رہے ہیں ، انہوں نے کہا کہ اورنگزیب بٹ اور ان کے تمام ساتھی بے لوث خدمت کے مشن پر یقین رکھتے ہیں ، اور انہیں کسی بھی قسم کا کوئی لالچ نہیں ، جو لوگ غریب اور دکھی انسانوں کی خدمت کرتے ہیں ان کا بڑا مرتبہ ہوتا ہے ، ہم اورنگزیب بٹ اور ان کے ساتھیوں کو خراج تحسین پیش کرتے ہیں ، اور جو انہوں نے بہترین فیصلہ کیا ہے ، اس سے گجرات بھر میں بہتری آئے گی ، اور عوام کے مسائل مل جل کر حل کیے جائیں گے ، حاجی اورنگزیب بٹ نے کہا کہ ہم ملک حنیف اعوان کو خوش آمدید کہتے ہیں اور ہر میدان میں ان کے ساتھ شانہ بشانہ چلیں گے ، اور تمام پارٹی ورکروں اور عام شہریوں کے مسائل حل ان کی دہلیز پر حل کریں گے ، اس موقع پرمیر انجم ، چوہدری تنویر قیصر ، چوہدری محمد یعقوب ، چوہدری احسان ، چوہدری شعیب طارق ، منیر بٹ ، چوہدری محمد آصف ، میر طفیل ، ثناء اللہ بٹ ، سید رضوان علی شاہ ، میاں اکمل ، ممبر گجرات چیمبر مرزا محمد الیاس جرال ، چوہدری شفاعت حسین ، ذیشان زیب بٹ ، اسلم زیب بٹ و دیگر اہم شخصیات موجود تھیں ۔
بزنس مین اورنگزیب بٹ کی مسلم لیگ ن میں شمولیت کے موقع کی تصویری جھلکیاں
